Globaliseringskonferansen nærmar seg med stormskritt. Programmet er klart (sjå www.globalisering.no), og påmeldingane strøymer inn. For å gjere det lettare for ungdom å delta, har vi sett av totalt ca. kr 30 000,- til reisestøtte til deltakarar født 1981 eller seinare.

Ordninga fungerer slik: Alle som vil ha reisestøtte sender inn kort søknad med navn, adresse, telefonnummer og organisasjonstilknytning til reise@tromp.no. Deretter vil midlane bli fordelt etter følgjande tre prinsipp: 1. først til mølla, 2. organisasjonstilknytning, 3. geografisk spreiing. Deretter, i løpet av 3-4 dagar, får du beskjed om du får reisestøtte eller ikkje. Siste frist for å søke reisestøtte er 10. oktober.

Vi dekkar kun billegaste reisemåte (bestill difor billett så fort du får beskjed om at du får reisestøtte), men ikkje meir enn følgjande takstar: Finnmark: kr. 2000,-. Nordland/Troms: kr. 1500,-. Møre og Romsdal og Sogn og Fjordane: kr. 800,-. Resten av landet (minus Oslo og Akershus som diverre ikkje får reisedekning i det heile) kr 500,-. Støtta betalast etterskuddsvis – etter konferansen og etter innsending av bilag (ikkje mist billetten, da blir det ingen pengar på deg).

Bilagsskjema (last ned på www.globalisering.no) og bilag sendast til:
Norges sosiale forum
C/O Press – Redd Barna Ungdom
Pb 6902, St. Olavsplass
0130 Oslo

Vi har også gratis overnatting for deltakarar under 30 år på Hersleb skole. Husk sovepose og liggjeunderlag!